 |
Questa pagina a no l'è stæta corretta. | |
6.
Oh, spunta unn-a passoëta!
Ecco che van a sghêuâ,
Tra i canti e tra i regii
D'ûn vëgio lûxernâ.
Insemme son sparii
Pe-o gïo d'ûn pertûxello.
Mammà, che bæll'öxello!
Chi sà quand'o torniâ?
V.
Romanza
Comm'a l'é bælla
Comm'a l'é cä
Quella bambinn-a
C'ho da spozä!
A pä ûn angiëto
Vegnûo da-o çë
Oh, son feliçe
Vixin a lê!
2.
A l'ha i cavelli
A rissettin,
I denti gianchi,
Riondo o mentin,
A l'ha e parolle
Che pän d'amê,
Oh, son feliçe
Vixin a lê!
