 |
Questa pagina a no l'è stæta corretta. | |
Pe sanâ questa maotïa
Chi ne mette tanta puïa,
Ghe vorrieìva ciù giûstizia,
Ciù bon chêu, meno malizia,
Meno famme de dinæ,
Ciù concordia ne-e çittæ.
V.
Scherzo
Doppo piggiôu a laurea
Metteive sciù speziaia,
E con contâ de frottole
Da l'arba all'Avemaia,
Nell'ægua fresca e limpida
Da pompa e do bronzin
Poi ricavæghe i reçipi
In bravi marenghin.
2.
Con pacchettin e scatôe[sic]
Careghi d'etichette,
Con barbari vocaboli
Ne-i vasi e ne-e brocchette,
Sganzie, veddrate gotiche,
E spëgi e caregoin,
Accapparræve o pûbblico
Di fûrbi e di mincioin.
