 |
Questa pagina a no l'è stæta corretta. | |
Ho de scene presenziôu
Coscì nêuve e coscì cäe:
Che ve zûo, m'han compensôu
D'aveì fæto tante scäe,
– Stæ a sentî sta chi, Comâ:
V'arve a Serva immascherâ
Cö scuffiòtto e cö scosâ,
E a ve dïxe ancon Monsieur,
Mentre intanto d'in cuxinn-a
Scappa o gatto co-a gallinn-a,
E sentî ragnâ i figgiêu
Sotto ciave, in to sojêu.
Ma s'arve o salotto
Cö spègio indorôu;
– Divento barbotto,
Divento insensôu.
Quaranta minûti
No son sufficienti,
Fra inchin e salûti,
Per fâ i complimenti
Da mæ introdûzion.
Divento mincion,
M'assetto in sciûn puffo,
M'ingambo in to sbuffo
D'ûn gran tendinon
Ch'o tappa o barcon.
Se m'arve davanti
(Che vista, Comâ!)
De ciûmme e diamanti,
De röba imperlâ,
De frange, de guanti,
