 |
Questa pagina a no l'è stæta corretta. | |
4.
Nobile sciâ Mixinn-a,
Ghe zûo pe-a mæ Canson
Che mai né a Cappellinn-a,
Né o largo Cappellon,
Né a frangiabirricchinn-a,
Né o Diadema in to palco, o in to salotto,
Coscì bella ä pêuan fâ comme o Pessotto.
5.
Umile e rispettoso
Ghe porto o grato inchin
Di mæ Conçittadin
Che andavan d'arescoso
Dixendose ciannin:
– « Mia che bello Pessotto! Oh che gianchessa!
« Se o Pessotto o tornasse, oh che bellessa!
6.
Vello de neive finn-a,
Che e Grazie mäveggiæ
Lasciôn pe ereditæ
A-o[sic] Ligure marinn-a,
Vanto de nostre Moæ,
M'inchinn-o a-a to imponensa, e in ti salûo
A Damma ciù onorâ c'ho conosciûo!
7.
Bællo o vegnî da Stæ
Se a-o primmo sò apparî
Veddescimo sciortî
De neìve incoronæ
Tûtte e nostre Meitæ,
Tûtte e nostre Ragasse, e fâse largo
In mëzo a-i Ommi a discipâ o letargo!
