 |
Questa pagina a no l'è stæta corretta. | |
E figgette
Sûnetto I
Perchè voiätri poæ fæ cosci e gronde
Quande mettei a-o mondo ûnn-a figgiêua?
Perchè vorriesci tiäla chi sa donde
Quande sentî ch’a cianze in ta fasciêua?
Oh, ringrazii o Segnô ch’o ve n’abbonde
De figgettinn-e da mandale ä schêua!
Che tanto brûnettinn-e comme bionde
Se foisci ûn pö svaiæ, de testa vêua,
Faian che ve mettei a testa a segno,
Che tûtto l’avvegnî vêuggiæ cûrane
Tanto che no passæ pe poæ de legno.
Ma no ve n’accorzei che son angiëte
Che vegnan zû da-o çê pe consolane?
E fa bezêugno ancon che ve o ripëte?
II
Un masccio bællo e ricco comme o mâ,
Pin de genio, d’inzëgno e de talento
O se vedde delungo cortezzâ?
E domandâ a sò man ogni momento?
Mettei che chi l’adora o ghe l’aviâ,
Ma gh’é delungo quarche impedimento
Pe veddila, pe fäla domandâ,
E pe spiegâghe o proprio innamoamento.
A figgia de qualunque condizion
A trêuva chi ghe fa l’êuggin d’amô
In gëxa, in stradda, in casa e da-o barcon.
Comme i pianeti gïan d’intorno a-o sô,
Coscì pe dimostraghe a sò pascion
Tûtti co-a figgia fan l’adoratô.
