 |
Questa pagina a no l'è stæta corretta. | |
Puntualitæ.
Un tipo stravagante
Voendo piggiâ moggê
Cosci o s’indirizzava
A-o sò spedizionê:
Sciccomme seì esatto
Ne-e vostre spedizioin
Senza nisciûn bezêugno
De raccomandazioin;
E visto che ve trêuvo
Pin de puntualitæ,
A commiscion ve daggo
D'ûn tocco de meitæ.
Scibben che questa ciassa
Do genere a n'è pinn-a,
Tant’æ no son amante
Da roba çittadinn-a....
Tant’æ a no me persuade...
Eppoi (ve l'ho da dî?)
Son arcichecontento
De quello che spedî.
Però riguardo ä scelta
Se foisci ûn pö imbroggiôu,
Eccove l'ideale
Che mì me n'ho formôu.
Ammiæ ch’a segge bælla,
Zuena, ben aggaìbâ,
Magara sensa dêutta,
Brava, ben educä,
