 |
Questa pagina a no l'è stæta corretta. | |
Cöre ûn fûrgao sciû pe l'äia
E tra i sbraggi generali
Fan i fêughi artificiali
Che in gran parte riescian ben.
Mille çinquegento fûrgai,
Che pe l'äia fan ciû zêughi,
Dan prinçipio a questi fêughi
Ch’arregordan i vulchen.
Ma sciccome no gh’é ninte
De bizaro e straordinaio,
Cai lettoî do mæ lûnaio,
Façço punto chi con lô.
In riassunto queste fæste
Se pêu dî che son riûscie,
C’han frûtôu miggiæa de lie,
Strisci, croxe e bon ûmô.
A no n’é ciû a Cattainin!
Se veddesci! a porta i guanti
Ne-e magninn-e profûmæ,
A l’é pinn-a de diamanti,
A l’ha e scarpe recammæ,
A l’ha e röbe cö strascin.
A no n’é ciû a Cattainin!
A l'ha un ricco appartamento
Che no poeì immaginâ
Tûtto quello che gh’é drento
De mobiglia raffinâ;
E d’oggetti rari e fin.
n’é ciû a Cattainin!
