 |
Questa pagina a no l'è stæta corretta. | |
PREFAZION
Ho passôu zà l’Ottantûn
Sensa fä torti a nisciûn,
Sensa fä da maldicente.
Da satirico indecente:
Divertindo i me Zeneixi
Con i moddi ciû corteixi,
Con allegre cansonette,
Campagnate, barselette,
Che corrivan ben dappresso
A-o gran cäro do Progresso.
2.
Son zà gianco e mëzo peôu,
Ma de chêu no n'ho cangiôu
Nè de cô, nè de bandea:
E delungo allegro in ciea,
Pin de bûrle, pin d'axillo,
San e vispo comme ûn grillo,
Pöveo scì, ma indipendente
Da qualunque prepotente,
Doppo fä versci a carasse
Me ne staggo in te mæ strasse.
