 |
Questa pagina a no l'è stæta corretta. | |
Novembre.
Meize antipatico - pe-i villezzanti
Che zû de sprescia - devan vegnî,
Meize terribile - pei naveganti
Che sensa spaximo - no pêuan dormî.
Morte da-o freido - e rondaninn-e
Partan pe l’Africa - mentre in çittæ
Ven ûn esercito - de scignorinn-e
Tûtte calorico - da-o sô brûxæ.
Pe-o çê chi è nûvio - ven dexideio
A tûtto o popolo - d’andä a pregâ
Ne-a paxe fûnebre - do çemiteio
Donde in silenzio - se pêu sfogâ.
