 |
Questa pagina a no l'è stæta corretta. | |
Arvî.
A bælla Primmaveia
N’annunzia o roscignêu
E o fresco ventixêu
Chi treppa con l'erbetta.
A gianca farfalletta
A va de sciô in sciô,
E o grillo cantadô
Pe-i costi o fa gri-gri.
Se gode de dormi
A giorno za avanzôu,
Co-o sô zà spantegôu,
In santa e bælla pâxe.
Ma mentre tûtto tâxe
Pe-o çê, pe-o mâ, pe-a tæra,
Se sente ûn crïo de guæra
Chi mette in anscietæ.
Do ræsto no tremmæ
Che, s’ammermian i affari,
No ghe saiâ che spari
De baxi e parolinn-e.
