 |
Questa pagina a no l'è stæta corretta. | |
Marso
All'ærta, cai figgiêu,
Da gronde e fûmmaiêu
Che prêuvan l’attrazion
Scoverta da Newton!
D’ammïa ve piggia o vento
Fra testa, e testamento
Ch’o ve costrinze a fä
Se in guardia no seì stä.
Se voei tegnîve in trappa,
Spedî a servetta in Ciappa
Pe brônco e nazellin
Da fane ûn bôriddin.
Mandæ pe-a ragostetta,
Pe-o déntexo e a treggetta;
E poi levæve a coæ
De torte e de fritæ.
