 |
Questa pagina a no l'è stæta corretta. | |
Prefazion
L'anno vëgio, cai lettoî
O l'è tosto lì per moî
Ma cattìvo de natûa,
Bench'o cazze e ch'o derrûa,
Con quell'aia de minaccia
Da-o venin storçendo a faccia
O l'è pin de presûmî
De despëti a ciù no dî.
Ben che mi ghe fava e frasche
E de baxi ben ciocchæ
Ghe sûssava scinn-a e masche,
Questo faccia da maschæ,
Con l'inganno e cö regïo
Comme Giûdda o m'ha tradïo!
