 |
Questa pagina a no l'è stæta corretta. | |
Catt.
Quelle case là da-o Mêu
No g’astrenzan proprio o chêu?
Oh conven che se ringrazíe
O Segnô che da-e désgrazie
Scinn-a chi o n’ha liberôu!
Reg.
Cattainetta, tûtto sciôu
Da gran tempo cacciôu via....
Catt.
Sciä me faççe a cortexia,
Comm’a l'é che a stradda a mâ
A mez’asta l’han lasciä?
Reg.
Perchè ûnn’atra ne faian
Sotto i mûggi de Caignan
Ch’a saiä ciù dispendiosa,
Meno utile e dannoza
A-e finanze da çittæ
Oh, de cianze me ven côæ!...
Catt.
Còmm’a l’è che lì a mez’asta
Stradda Corsega han lasciôu?
Reg. Cattainetta, no ve basta
De cacciaghe via do sciôu?
Seì che lì gh’è o camposanto
Catt. E s’o gh’è? ghe o pêuan derrûä.
Oh, veddiemo se d’intanto
Con i ebrei no se vinsiä!...
