 |
Questa pagina a no l'è stæta corretta. | |
Catt.
Che peccôu! quelle muägette
L’han zà tosto cacciæ zù
Onde o sfarzo de caladde
No porriemo vedde ciù.
L’han vendûe pe ’na castagna!..
Reg. Bocca a bûscio, Cattainin,
Se coscì se reclamava
Da-o commercio çittadin.
Se lasciavan e terrasse
No se poeìva ciù allargä
Quella stradda Carlo Alberto
Da gran tempo criticä.
Catt.
Comm’a l’è che dä Dûgann-a
Con gran sgrêuxo da çittæ
Se ghe lascia e bûtteghette
De menestre apputtifæ?
Reg.
Cattainin, se ghe dæ tempo,
Questo sgrêuxo o sä levôu
E o palassio de san Zorzo
A-o ciù fîto ristorôu.
L’è zà tanto che mi sbraggio
Pe-o baçi de carenaggio;
Ma no sò perchè raxon
No ne veddo a costruzion.
