 |
Questa pagina a no l'è stæta corretta. | |
Ma no son miga convinti
Che gh'è treì imperatoî
Che zûgandoli a-o balletto
Ghe fan fä da marionetto!...
Finze l'Austria de tegnî
Con a Serbia pe no dî
Che ghe premme Salonicco
Paize bello, allegro e ricco;
Finze a Rûscia d'aggiûttâ
A Bulgaria fortûnâ,
E ghe premme i Dardanelli
Che per lê son troppo belli;
Ma se, forse, a sciâ Tûrchia
Ciù in Europa a no portiâ
Nè tûrbante, nè sciscia,
Mai ciù dito no saiâ
Che noî popoli latin
Stemmo a battise o pansin!
L'anno marso de venin
O l'è là pe tiä o gambin,
