 |
Questa pagina a no l'è stæta corretta. | |
Veddieì presto in via Assarotti
Camminâ a funicolare
Che a solærte Compagnia
Do Tramway a vêu impiantâ,
E con breve galleria
In Bezagno a ve portiâ.
Se fä ascì ciù d’ûn mercôu
E ûn grandioso ammassatoio
Da gran tempo reclammôu.
Coscì dunque all’apatia
Che regnava pe-o passôu,
Sûbentriâ l’attivitæ,
Tûtto in grazia all'energia
Do gran Scindico Poistæ
Che o promette mari e monti
Pe-a grandessa da Çittæ!
E per ûltimo azzûnziô,
Che ben presto stradda a monte
A sbocchiâ in ciassa Manin;
