 |
Questa pagina a no l'è stæta corretta. | |
Coi travaggi bælli e brûtti....
Mi v’aspëto, vegnï tûtti.
***
Ghe seì? Dunque fæ attenzion,
Ghe incommenso a descrizion:
Quelle case, quello ammasso
De teitetti che veddeì
In t’ûn mûggio là da basso,
A l’è Zena, no ö creddieì!
Quelle case son palazii
Pin de marmi e de pittûe,
Ma, peccôu, no fan figûa
Pe-e sò stradde streìte e scûe.
Zena a saìva ûn veo portento
Se a no fosse fabbricâ
Coscì abbrettio. Se Depretis
O-a vedesse, in sto momento
Se formieìva a convinzion
Che se a Napoli, per dïe,
So richiede ûn sventramento,
I Zeneixi n’han da rïe!
