 |
Questa pagina a no l'è stæta corretta. | |
Se milioni de sordatti
Diventian agricoltoî,
Se n’accorzan scïnn-a i gatti
Che cessian i malûmoî,
E g'aviemo l'abbondanza,
E ricchessa ne-a Finanza.
Con e tasce diminuïe
O commercio s'aumentiâ;
E, trovando scinn-a e prïe
Da guägnase da mangiâ,
Con ûn pö de moscitæ
E prexoìn saian serræ
Fra travaggio e capitale
Dominandoghe a raxon
Per impûlso generale
Saiâ söda l'istrûzion;
E pe stimma e pe decôu
Ritorniemo a-i tempi d'ôu!
