 |
Questa pagina a no l'è stæta corretta. | |
7
[—] Chinze giorni? ma perdie,
Tanto tempo ho da aspëtâ?
Ma vosciâ sciä o fa pe rïe,
Sciä me zêuga a cûggionâ!
Doppo questa, ghe sä ancon
Torna ûn'âtra dilazion,
Doppo un'âtra, e se finisce
Cô aspëtâ d'anchêu a doman,
Che o mæ credito o svanisce
E vosciâ sciä futte o can? —
8
[—] Ma se m’obbligo in coscienza,
N'aggi puïa che no svanìö,
Via Giacobbe aggi pazienza,
Damme tempo e te paghiö,
— Mi a pazienza no l'intendo,
A l[']e röba che no vendo,
Sciä me paghe sta cambiale
Senza sconto e dilazion,
Dunque andiô da-o Generale
A fä mettilo a-o crotton
