 |
Questa pagina a no l'è stæta corretta. | |
-X-
Un vegetto con barba e cavelli
Che son gianchi e pan fîe de lin,
O l’attreûva pe-a stradda de quelli
Che davanti ghe fan mille inchin.
Chi ghe vêu camallâghe o groppetto,
Chi o baston pe no fälo stancä,
Chi se göde de dâghe braççetto,
Chi s’onora de poeìghe parlä.
S’o l'e ommo de scienza e dottrinn-a,
Quand'o conta i sò tempi passæ
Ghe staieìvan lì seïa e mattinn-a
A sentîlo co-a bocca impallæ.
Scinn-a o ræ se ghe lëva o cappello,
O se o porta in carrossa con lê,
O ghe serve da bacco e pûntello
Quando soli passeggian a pê.
