 |
Questa pagina a no l'è stæta corretta. | |
E da Napoli distante,
A-i Cairoli, a-i Zanardælli
O ghe dîxe: fæ da bælli
Co-i discorsci preparæ;
Ma gh'è o mæ castigamatti
Chi ve scaccia d'in to nïo
Se credesci d’andâ in gïo
A fä sciâti, a fä mattoî.
L'anno vëgio? Co-e so frasche
Mentre l'Ischia o vixitâva
Un ricordo o ne lasciâva
De desgrazie, cienti e doî.
E quell'ïsoa chi brillâva
De so spiäge tra l’incanto
O l'ha reìza ûn Camposanto,
Unn-a vëa desolazion.
Ancoassæ che con l'Italia
Concorrïva o mondo tûtto
A prestâghe quell’aggiûtto
Che dettava a compascion!
Ma l'é chì l'Otantequattro
Chi m’ammîa, chi me circonda,
Chi se scialla, chi fä a rïonda
Di cûcculli intorno a mì.
