 |
Questa pagina a no l'è stæta corretta. | |
14
Lì fra i rosti e fra o brodetto,
Fra i pollastri e fra o vin bon,
Ne portavan ûn contetto
Chi saveìva de pevion,
Che tremavimo d’ammiâlo
E no poeìvimo pagâlo!...
15
Inversando tûtte e stacche
Do lûxente cappottin
E de bräghe da Brisacche,
Quello pôveo scribaccin
Da giornali, o n’ha indicôu
Che lì gh’ëa despixonôu.
16
Vergognöso, sitto e mûtto,
Fêua de lê, mëzo insensôu,
Se frûgava dappertûtto
O sciö Poeta rebellòu
E mostrando e stacche vêue
O dixeìva: me ne dêue!...
17
Lì tra o fä gramma figûa
E tra i spaximi d’amô,
Un bozzetto de pittûa
Desfasciando o sciö Pittô
O dixeìva: ghe o lasciö
Chì pe pegno, e me n’andiö.
