51.
Muze tutte ve ciammo a ro conseggio
per dame ra faccondia a ciú tammante
che moæ se segge deta in un amante
dra Patria svisceaò come me preggio

Fæ che l'inzegno mæ passe ao serneggio
per poì ciù megio deziffrà o restante
nè fà che in tro ciù bello mi ghe ciante
chi a ra lezenda mæ vuœu fá corteggio

Sicchaè con ro servello a fà ciù migge
ve menno sciù ra pointa dro Diamante
per veì ra pozituua de quelle ligge

D'onde apointo fæ' unì quello birbante
de Xcciaremburgh' re truppe e mascci e figge
con trincêe doggiæ fete in istante.