25.
Con fronte crespa e con ri mori sodi
pe un pezzetto restaò ra nostra gente
segno d'un gran venin ro ciù mordente
che se posse dedù per fà berrodi
Penselo vuoì se rozigiavan ciodi
questo ve baste ch'aghuzzon ro dente
come da inveninaò fa ro serpente
quando dra choa un ghe sapetta i nodi
Sghallopaon sbiri e corsi in tà manea
per attornià ro campanin de Prè
che no ro pœu spiegà solo chi gh[']ea
S'arrisson sù ri teiti sì lengiè
che i fummaiœu fassendoghe trincea
ne fen satà dri belli all'inderè
Pagina:Libeazion.djvu/46
![](http://upload.wikimedia.org/wikipedia/commons/thumb/c/cd/Libeazion.djvu/page46-1024px-Libeazion.djvu.jpg)