95.
Unna cossetta sola me ghe resta
che l'è ra ciú importante e no ghe erròeu
ringrazià mi con tutti o Segnòeu
d'avejne chi mandaò per compì a festa

Ro Ducca Rossigliú hommo de testa
a tutte re passæ ninte infejòeu
che con sfarzo co' o cœu e bon amòeu
vedde e provedde in quella parte e in questa

Za l'ha deto l'assazo dro sœu humòeu
a unna gran parte dri nostri nemizi
e va sempre crescendo con fervòeu

Ne giubilan fra tanto i vej amizi
all'incontro i Todeschi n'an doôeu
perche o va scharlasandoghe i barbizi.