 |
Questa pagina a no l'è stæta corretta. | |
88.
Ma chí l'è tosto tempo, pio lettaòeu
acciò no m'intachæ d'indischrezion
che ro gran giorno dra Vizitazion
ve descrivve; con dà groja ao Segnòeu
Così fazzo; e sentine ro tenòeu:
se vidde a seja avanti un prebogg[i]on
segno ben ceo dra dispozizion
de voejsela molà co' a bocca in saoeù[sic]
Foghetti in su e in zu se veja fà
onde dexe, onde vinti e d'onde trenta
con ri baghaggi avanti caminà
E ra tardanza ogn'un de laò tormenta
su ro timaò de no dovej provà
quarche battosta ancon ò quarche insenta.
