57.
S'aguardon lì l'un l'attro da o spavento
restando come statue de sà
ma bezœugnando in fin detterminà
mandon a arvì da o coxinaè con stento

Fra tanto dime voj' che me stæ attento
come l'annima in corpo d(')eêsse stà
dro poveo converso a sta bugà
dovendo a faccia a faccia arvì de drento

Son dro teno che quanti santi è in Siè
tutti o i ciamasse e con che devozion
ben fito in sœu defeiza sciù doì pè

Ne credo che moæ ciù tà contrizion
l'aêsse havûo in sœu vitta da corraè
come l'ebbe uuia e buuia a sta fazion.