E o dixe a-i bûrberi
So creditoî:
– Vegnì[sic], arrangiemmose,
Ve daggo o doî. –
Premisso a Storia
De sto ballæ,
Miæve aoa e facce
Di radûnæ.
L'è o primmo in bùddego
Masche lûxenti
Perpetûo Scindaco
De fallimenti
Che chi o fa a dûplice
Funzion do Lô,
Scindaco, e regio
Liquidatô.
L'atro o l'è ûn solito
Negozia fiato
Per via da laurea
Dîto avvocato,
Per via da sportula
Spinto a vegnî
Chi a indorâ a pilloa
A-i creditoî.-