 |
Questa pagina a no l'è stæta corretta. | |
V'ho visto, vëi mattin, mentre passavi,
lesta, lesta, pe stradda Lömellinn-a,
e v'ho sorpreiso, mentre ve vortāvi,
perchè mi ascì me son vortôu, Rosinn-a!
O chœu o m'ha dæto sûbito ûn patton,
ripetendome quello che öriæ dî,
ma che, pe quanto fasse, no son bòn
se se trovemmo soli tûtti döî:
e ve o scrivo in sce ûn fœuggio de papê,
perchè o no vëgne rosso, — comme mì —:
Ve vœuggio ben, comme a-a Madonna in Çê,
e no posso ciû vive sensa voì:
Rosinn-a cäa: voeì ësëo mæ moggê?
No me fæ tribolâ: dîme de scì.
Notta — Me sostegnivan che o dialetto zeneize o no se presta pe ûnn-a dichiarazion: ho vosciûo un pö pröva; ghe sö riuscïo?
