 |
Questa pagina a no l'è stæta corretta. | |
A chi ha famme
Unn-a gattinn-a gianca, mâ assuefæta,
che a viveiva de læte e bescheuttin,
ûnn-a bella mattin
(chi sà comme a l'è andæta)
a s'è trovâ serrâ in te ûnn-a cantinn-a
e allöa, pôvea migninn-a,
se a l'ha vosciôu[sic] mangiâ,
a l'ha dovôu[sic] acciappâ
solo quarche rattin,
e grazie ancon, se a l'ha posciôu[sic] trovâ.
Quande poi, doppo ûn meise e forse ciù,
a l'è ritornâ sciù
secca... sporca... patïa...
a l'aïva perso tûtta a scìgnorïa,
manco a l'aïva ciù a forsa pe ragnâ...
Bescheutti e læte in casa no ghe n'ëa
e, pe caïtæ, a camëa
vedendola affammâ
a g'ha dæto un piattin de... menestron...
.....
Comme o gh'è parsciûo bon!
A bocca ciù smorfiosa
co-a famme a caccia zù qualunque cösa.
.jpg) |
Liquidazion de chì, de sà, de là, |
