 |
Questa pagina a l'è stæta corretta. | |
— 16 —
In mezo da çittæ gh’è de baracche
Dove se fa o mercou di bêu, de vacche,
De pegue, do butiro, læte, e d’êuve,
E dove s’assostemmo quando ciêuve.
Me voeivo fermâ là finn’a a[sic] doman,
(E v’assegùo che gh’è un freido da can,
Pin de rûmenta in tæra, scùo, bagnòu)
Eppûre anche là sotto gh’è stivòu;
Un borboggio de gente tutte insemme,
Sbraggi, centi, sperzùi, fin de giastemme;
E donne che se tïan per i cavelli,
E mandillæ che fan mille bordelli.
Mi vista questa scena e confuxion
Son scappòu via ben presto de sprescion;
E infin di fin, nêutte o no nêutte, ho dïto,
L’è mëgio d’andâ a casa drito, drito.
S. G. Ma almeno non saria qui da vicino
Anche una stalla in casa a un contadino?
G. O cäo Giöxeppe, no ghe stæsci ben.
Aoa che semmo da-a stagion do vin,
In te stalle ghe son çerti fanien
Mëzi imbriæghi: e dixan di sguarròin
Che no stan ben in faccia a sta santinn-a.
O se a me casa a fosse ciù vixinn-a!
Da-i mæ garzoin ve faeiva rispettâ.
Ben fortunòu de dave da allögiâ.
Ma!... faeivo l’imposcibile davveì.
Pe-a mê Beddin o sæiva un gran piaxei
De discorrî un pittin chi con Maria.
Pe-a figgia Gilindinn-a, che allegria!
Ch’a l’è ben brava, e no m’a meito manco.
Ma me pâ che seggèi za troppo stanco.
S. G. Siam ben grati alla vostra cortesia,
Ma è impossibil per noi far più cammino;
