 |
Questa pagina a no l'è stæta corretta. | |
A-O BAMBIN
Cäo Segnô — tûtt'amô,
Tûtto bello, tûtto cäo,
Chi pêu stâ — senz'amâ
Un bambin da vostro päo?
E maschinn-e — rossettinn-e
Quando rieì se fan ciù belle;
Se m'ammiæ — se ve vortæ,
Duî êuggin che paan due stelle;
Se cianzeì — voî me piaxeì,
Päi ûn giglio in mezo a-e scioî,
Che ne-e fêugge — o l'arrecchêugge
A rozâ d'ûn bello arvî.
Eì ûn chêu — pe-i figgiêu
Pin d'affetto e de bontæ;
Ne voeì santi — tûtti quanti,
A voî tûtti ne ciammæ.
Cäo Segnô, ecc.
