 |
Questa pagina a no l'è stæta corretta. | |
— 78 —
Solo veddendome
Chì ne-o sarvægo,
O no gh'azzunze
Do companægo;
Ch'o no me pesche
Un dentexetto,
Ch'o no me caccie
Qualche tordetto.
Se a succedesse,
Scialla Göscin!
Per mi son proprio
Un re piccin.
N'invidio a sorte
Do re de Fransa,
Rïo, me recillo
E m'impo a pansa.
Ah! za vorrieiva
Ese a doman
Per vedde cazze
O primmo pan.
Con questa idea
O s'accoegò
E in sce l'erbetta
Sêunno o piggiò.
O giorno o spunta,
Göscin s'addescia,
I êuggi o fretta,
O se remescia,
