 |
Questa pagina a no l'è stæta corretta. | |
- 75 -
Bello rimedio!
Scialla Göscin!
Ti no faiæ
Ciû o savattin!
Dïto - o camminn-a
In sciûnn-a ciassa,
E o säta e o sbraggia
Forte a chi passa:
Chi accatta læxine!
Chi vêu conchette!
Vendo banchetto,
Vendo stacchette,
Sæe, spago, tacchi,
Forme pe-i pê,
Tûtto a bon patto,
Marchand ruinê,
Accattæ fito!
Amixi, addio,
Ve lascio o pòrtego
E me retîo.
O vende, o mette
Dinæ in ta stacca,
O l'abbandonn-a
Zena, e tabacca,
Cö chêu contento
O fa cammin
Verso a montagna
De Portofin;
