 |
Questa pagina a no l'è stæta corretta. | |
O creddiësci? a-o mæ pregâ
Cessa o vento de sciûsciâ,
S'abbonassa i ægue e intorno
Se comensa a vedde o giorno.
No pä vëa d'ëse salvæ,
Ciocca e moen tutti i mainæ,
E mi sbraggio e fasso ûn voto,
Che se mai no son divoto
Do mæ cao San Giambatista
Posse perde a lengua e a vista
E moî in mezo a ûn ûragan
In ta gôa d'un pesciocan.
Cose t'hæ? me dixan tûtti,
E mi conto e lö stan mûtti;
Conto, conto e sento intanto
Quarchedûn che cianciannin
O dixeiva: Bacciccin
O l'é proprio vegnûo, santo;
Se recillan da-o piaxeì,
E me veddo a duî a treì
I mainæ sätâme addosso;
E baxâme a ciù no posso;
M'é sätôu pe-i primmi a-o collo
Gnæra e o figgio do Megollo,
O Sciromba, o Taggiasquixe,
O Sûsson, l'Ancoa, o Pernixe,
O Spagasci, o Sàrtia, o Bò,
O Guersetto e o fræ do Frò.
Tutti in breve son vegnûi,
E co-e paole e co-i salûi
