 |
Questa pagina a no l'è stæta corretta. | |
evangelicha". Respoze frai Ellia superbiamenti, non sapiando che o fosse lo angero in forma umana: "E' so bem questo, ma e' non te vögo responde, e va per li fati toi". Disse lo zovem: "Mi savereiva mego responde a questa questiom che tie". Alaora frai Ellia furiozamenti serà la porta e partisse. E partio che o fo o penssà sum la questiom e penssà in fra lê mesmo che o non la savea axorve. E inpersochè ello era Vichario de l'Ordem e avea ordenao de fâ consistorio* otra lo Evangerio e otra la Regulla de san Francescho, lo qua avea ordenao che nissum frai de l'Ordem mangasse carne; si che la dita questiom era contra ello. Si che non sapiando desihairâ o considerà in la modestia de lo zovem e de so che o g'avea dito, che o saverà mego respone[sic] a la questiom cha ello, frai Ellia tornà a la porta e arvì la porta per demandâge de la questiom e trovà che o se n'era za partio; persochè la superbia de frai Ellia non era degna de parllâ con lo Angero. Or faito questo, sam Fracescho, como quello chi da Dee o g'era staito revellao ogni cossa, tornà da la celva e con ata voxe disse: "Frae Ellia, tu ai faito mâ con la toa superbia, che ti ai cassao da noi li santi Angeri, li quai ne vegnivam [a] amestrâ[sic]; per che te digo che e' temo fortementi che la toa superbia non te fassa insî de questo Ordem". E cossì ge intrevegne como san Francescho ge disse, persochè o morì föra de l'Ordem.
Quello di mesmo e in quella hora che lo Angero se partì e in quella mesmo[sic] forma e hora e' l'aparsse a frai Bernardo, lo qua tornava da san Jacomo e lo qua era a la riva de um grande fiume; e lo angero lo saruà in soa lengoa digando: "Dee te dea paxe bon frai". E maravegandosse frai Bernardo e considerando in la bellessa de lo zovem e in lo parllâ de la soa patria con salutaciom pacifficha e con la fassa alegra, si ge demandà de unde o vegniva. Respoze lo Angero: "E' vegno de cotal lögo unde stà san Francescho in lo qua lögo e' zei per parllâ con ello, a lo qua e' non o possuo parrlâ, persochè ello era in la serva a penssâ sum le cosse divine, e si non lo o vossuo destorbâ, e in quello lögo o ge sta frai Maseno e frai Zerio* e frai Ellia; e in quello lögo frai Maseno m'a mostrao pichâ la porta como fan li frai. E frai Ellia, persochè o non me vosse responde a la questiom che ge perpoxi, o se partì da mi e non me vosse responde, e dapöa o se pentì, e vegne per veime e per oime, e non poè". E depoî queste parolle disse lo Angero a frai Bernardo: "Perchè non paci-tu de là?" Respoze frai Bernardo: "E' temo per la preffonda aigoa che ge vego". Disse lo angero: "Non temi". E lo pigà per la man e in um bate d'ögo o lo passà da l'atra parte. Alaora frai Bernardo cognossè che l'era lo Angero de Dee, e con grande reverencia e alegressa disse in ata voxe: "O Angero beneito da Dee, dime lo to nome". Respoze lo Angero: "Perchè me demandi-tu de lo mê nome, lo qua è maravegozo?" E dito questo o desparsse e lassà frai Bernardo monto consorao, in tanto che quello viagio o lo fè con alegressa. E pössa o fè raxom lo di e l'ora che lo angero ge era aparsuo, zonzando a lo lögo unde era san Francescho con li söi conpagnoim, a li quai cointà ogni cossa. E cognossèm veraxementi che quello mesmo Angero in quello di e in quella ora che l'aparsse in quello lögo che in quello di e in quella ora e' l'aparsse a ello.
A lozo de Dee e de lo bia[sic] san Fracescho
5.
Jnperssochè san Francescho e li söi conpagni eram ihamai da Dee a portar con lo cör e con le hövere, e a prichâ con la lengoa la croxe de Xe., li quë pareivam homi cruciffixi, quanto a lo abito, quanto a li ati e quanto a le lor hövere; e perssò e' dexiravam de sostegnî pu vergögna e oprobij per lo amô de Xe., cha li homi* de lo mondo; e questi s'alegravam pu de le iniurie cha de li honi*. E cossì se ne andavam per lo mondo como pelegrin e forstê[sic] e si non portavam con lor salvo Xpe. cruciffixo; inperssochè seguivam la vita de Xe.* e si favam monti boim fruti a le anime chi gordavam[sic] a Dee.
Or o cheite che in lo principio de la religiom, che san Fracescho mandà frai Bernardo a Bologna, asochè o feisse fruto, secondo la gracia che Dee ge avea daito, e frai Bernardo fasandosse lo segno de la santa croxe, per la santa obediencia se partì e prevegne a Bologna. E li fainti vegandollo in abito chi non se uzava, si ge favam monti desprexij, cossì como se fa a li mati; e frai Bernardo sofferiva tuto pacientementi per lo amor de Xe. E asochè o fosse pu straciao, studiozamenti o se misse sum la piassa, unde sezando o se ge misse intorno monti homi e monti fainti, li que ge tiravam lo capusso de derrê, e tai davanti, e tai ge butavam romenta per lo vizo, e tai ge butavam pree, e l'um lo butava de sa e l'atro de là: e frai Bernardo era senper paciente in um modo e con la ihera alegra. E per pu vota o retornava in quello mesmo lögo de la piassa per sostegnî semegeive cosse. E persochè la paciencia è aproa* de preffeciom, um savio dotô de leze, vegando e considerando la vertue de frai Bernardo, lo qua non s'era mai possuo turbâ de tante iniurie e vilanie quanto ge eram staite faite, si disse infra lê mesmo: "E' l'è inposiber che questo non sia[sic] santo homo". E acostandosse a ello, o ge demandà chi ello era e perchè ello era vegnuo lì. E frai Bernardo, per semegeive reposta, se misse la man in cen e trè föra la Regulla de san Francescho e dègella che o la lezesse. E lezua che ello l'ave, e considerando lo so atissimo stao de preffeciom, con grande amiraciom o se vozè inver quella gente e si ge disse: "Segnoi veraxementi questo è lo pu ato stao de religiom che odisse mai; e inpersò questo e li söi conpagi[sic] sum de li pu santi homi chi seam in questo mondo, e si fa gran peccao chi ge fa injuria, e li quai se deveream soma[me]nti honorâ, consoseacossachè questo è veraxe amigo de Dee". E pöa o disse a frai Bernardo: "Se voi voressi prende um lögo unde 'o poissi aconsamenti servî Dee, mi, per sarvaciom de l'anima mea, e' ve lo darò vorentera". Respoze frai Bernardo: "E' o a crao che questo v'agia misso in cör lo nostro Segnô messê Ihu. Xe., e perssò e' aseto la vostra offerta vorentera a honô de Xe.". E alaora lo dito zuxe con grande alegressa menà frai Bernardo a
