 |
Questa pagina a no l'è stæta corretta. | |
de Francescho e conssiderando diligentementi in le parolle che o dixea, incontenente o fo inspirao da lo lume de lo Sprito Santo e inchinà* la soa vita. Unde vegnua la matin messê Bernardo ihamà messê san Fancescho[sic] e si ge disse cossì: "Francescho e' sum in tuto deliberao in lo mê core[sic] de abandonâ lo mondo e seguîte in tuto so che ti me comanderai." E Fracescho odando questo se alegrà infra ello e ge disse cossì: "Messê Benardo questo che voi dî è övera si grande e maravegoza che de questo e' ne vögo lo consego de messê Ihu. Xe." E pregà Ihu. Xe. che sum questo ge piaxesse de mostrâ la soa vorentae e che o ge mostre como o dè mete questo faito a execuciom. E pössa disse: "Andemo inseme a lo veschao unde è um bon preve a lo qua ge faremo dî la messa e lì e' staremo in oraciom fin a terssa e si pregeremo Dee chi ne mostre la via chi ge piaxe in salvaciom de le anime nostre." E messê Bernardo respoze che questo ge piaxea monto. E dito questo e' se missem a andâ a lo veschao unde elli odin la messa de quello preve. E odia la messa e staiti in oraciom fin a terssa, lo preve a le pregere de san Francescho preize lo messâ e faito lo segno de la santa croxe si lo arvì in lo nome de messê Ihu. Xe. e questo fè per tre fiâ: e la promera vota o trovà quella parolla che Xe. dissi[sic] in lo Evangerio e quello zovem chi ge demandava de la preffeciom e' ge disse: "Se ti vöi esse preffeto va e vendi so che ti ai e dalli a li poveri e seguime." E la seconda vota o trovà quella atra parolla che Xe. disse a li apostori: "Quando e' ve mando a prichâ non portai nissuna cossa per camin, ni tascha, ni bordom, ni cassai, ni dinari[sic]" e ge vosse monstrâ per questo modo de vive che non avessem speranssa salvo in Dee e avei tuta la lor intenciom a prichâ lo Evangerio de Dee. E la tersa vota che ello arvì lo messâ o trava quella parolla che Xe. disse: "Chi me volle vegnî de derrê, si abandone lê messmo e pige la croxe e segueme." Alaora messê san Fracescho disse a messê Bernardo: "Questo è lo consego che Xe. ne dà. Va adoncha e fa conpiamenti quello che ti ai visto che n'a insegnao messê Ihu. Xe. lo qua ne mostra la via evangellicha." E odîo che ave messê Bernardo queste cosse o se partì e vendè tuto so che ello avea e con grande alegressa o destribuì ogni cossa a li poveri e a li orffani e a vidue e a pelegrini[sic] e a monstê[sic] e a ospialli[sic] e in ogni cossa prontamenti san Francescho lo aiava. E vegando questo um chi avea nome messê Servestro che san Fancescho dava tanti dinari a li poveri e fava dâ a quello, streito de avaricia si disse a san Fracescho: "Ti non me pagasti intregamenti de quelle pree che ti acatasti da mi per reconssâ le zexie e perssò aora che ti ai asai dinari si me paga." Alaora san Fracescho maravegandosse de la soa avaricia e non vogando contende con ello, cossì como bon conservao de lo Evangerio, misse la man in scosso a messê Bernardo e preize de quelli dinari e li misse in schosso a messê Selvestro digandoge che se o ne voreiva pu che pu ge ne dareiva. E in questo modo messê Selvestro se contentà e tornassene a caza; e repensandosse la seira de quello che ge avea dito san Fracescho lo di avanti e penssando sum la soa avaricia e conssiderando sum lo frevô de messê Bernardo e la santitae de san Francescho, la nöte sequente e la seconda e la terssa e' l'ave da Dee una ta vixiom che ge pareiva che de la bocha de san Francescho ne insisse una croxe de oro la qua tochava lo cell e le brasse se destendeivam da lo ponente fin a lo levante. Lo qua messê Selvestro dè per quella vixiom tuto so che ello avea per Dee e se fè frai Menô e fo in l'Ordem de tanta santitae che o parllava con Dee cossì como fa l'um amigo con l'atro, secondo che proà pu vota san Fracescho e cossì cono[sic] chi aprövo se desihëra.
E semegeivementi messê Bernardo ave una gracia da Dee e lo qua era spesse vote con Dee in contenplaciom; e san Francescho dixea de ello che e' l'era degno de ogni reverencia e che o g'avea daito questo ordem, perssochè l'era lo primo chi avea abandonao lo mondo non temandosse de niguna cossa, ma o dè ogni cossa a li poveri de Xe., e comenssà la povertae evangellicha offerandosse nuo a le brasse de lo cruciffixo lo qua sea da noi beneito. Amen.
3.
Lo devotissimo servo de lo cruciffixo messê san Francescho per l'asperessa de la penetencia e per lo contunio ihanze e' l'era quaxi devegnuo orbo per modo che o veiva pocho. E lo qua una vota inter le atre o se partì da lo lögo unde ello era e ze a lo lögo unde era frai Bernardo per parllâ con ello de le cosse divine; e zointo che o fo a lo lögo o trovà che ello era a la serva in oraciom tuto daito e tuto conzointo con Dee. Lo qua san Fracescho ze a la cella tre fiâ digando: "Vene a parllâ con questo orbo". E frai Bernardo non ge respoze niente perssochè l'era homo de grande contenplaciom e lo qua avea l'animo levao a Dee e avea singullâ gracia a parllâ con Dee, cossì como per pu vota san Fracescho lo avea proao, e per questa caxom o dexirava de parllâ con ello. E staito in pocho e vegando che o non ge respondeiva, si lo ihamà la seconda fiâ e cossì la terssa vota in quello messo[sic] modo che l'aveiva faito la prima fiâ, e frai Bernardo non lo odì mai, per la qua caxom o non ge respoze mai. De che san Fracescho se partì in pocho desconsolao e ello messmo maravegandosse infra ello che frai Bernardo non ge respondesse abiandollo per tre fië ihamao. E san Fracescho partiandosse con questo penssamento e quando o fo in pocho alargao o disse a lo so conpagnon (e disse): "Aspetame chì"; e ze in um lögo solitario, in lo qua lögo o se butà in terra con le brasse in croxe e pergà[sic] Dee che o ge revellasse perchè frai Bernardo non ge avea respozo. E stagando in questa contenplaciom o ge vegne una voxe da Dee chi ge disse: "O povero homo de che te turbi-tu? E te pa raxoneive che lo homo debia lassâ Dee per la creatura? Che, quando ti ihamavi frai Bernardo, ello era tuto conzointo comeigo, e perssò o non te odiva, ni poiva vegnî a tie; doncha non te maravegâ se o non te odì ni vègne a ti, avizandote che ello era si föra de ello, che ello non te odiva quando ti lo ihamavi". E habiando san Fracescho questa responciom da Dee, incontenente con grande fressa o tornà inver frai Bernardo per acuzassege umermenti de la turbaciom che ello aveiva auo[sic] inver de ello.
E frai Bernardo vegando vegnî san Francescho inver ello si ge ze incontra
