 |
Questa pagina a no l'è stæta corretta. | |
1.
Prumeramenti e' l'è da conciderâ de lo gloriozo messê san Francescho lo qua in tuti li ati de la soa vita o fo conformao a Xe. e inperssochè como Xe. in lo inprincipio de la soa prichaciom o se elezè XII apostori e desprexià ogni cossa mondana e seguì la povertae e le atre vertue e cossì san Fracescho[sic] elezè XII conpagnoin in lo fondamento de la soa vita e de lo so Ordem e questi fon preffeti in la longissima povertae e cossì como um de li XII apostori de Xe. reproao da Dee se apichà per la gora [così uno de’ dodici compagni di santo Francesco, ch’ebbe nome frate Giovanni dalla Cappella, apostatò e finalmente s’impiccò se medesimo per la gola]. E questo po esse grande exenprio a li atri e exenprio de umillitae e de timô considerando che nissum non è serto de poi preseverâ fin a la fin in la gracia de Dee. E cossì como quelli XII apostori fon a tuto lo mondo maravegoxi de tuta santitae e de Sprito Santo e cossì fon quelli conpagnoin de san Francescho, li quë fon homi de tanta santitae che, da lo tenpo de li Apostori in sa, lo mondo non ave pu santi homi, perssochè alchuni de lor eram levai fin a lo terso cell, cossì como san Poro e questo fo frai Egidio; e um de lor, e so fo frai Feripo Longo, lo qua fo tochao da l'angero con carbon de fögo cossì como fo Isaia proffeta, e l'atro fo frai Cilvestro lo qua parllava con Dee cossì como fè Moizes lo qua parllava con Dee a fassa a fassa; e lo quarto fo frai Benardo lo qua vorava per sotilitae fin a la divina luxe de la sapiencia como fè san Zoane evangelista, lo qua frai Benardo exponeiva preffetamenti la Scriptura; lo quinto fo frai Ruffin gentî lo qua vivando in questo mondo fo santiffichao da Dee e canonizao in cell; e questi fon tuti prevelligai de singullâ santitae cossì como aprövo se veirà.
2.
Lo primê conpagno de messê san Francescho si fo frai Bernardo d'Anciza lo qua se convertì in questo modo, soè che seando ancho san Fracescho in a[bi]to secullâ ben che ello avesse desprexiao lo mondo e seando mortiffichao per la grande penetencia in tanto che da monti o n'era reputao mato e da monti o g'era lanssao le pree e lo lavago per lo vizo e cossì da parenti como da strangê le que injurie o se le portava umermenti e con grande paciencia e de tuto so che ge era dita[sic] e faito o se ne mostrava sordo e muto e tuto in servixo de Dee; e questo messê Bernardo lo qua de nassiom era nober e savio lo qua considerando in le cosse de san Fracescho lo qua era senper paciente e alegro e questo Bernardo incomenssà a penssâ e a dî infra ello che no po esse che per nissum modo che questo Fracescho non age grande gracia da Dee. Per la qua caxom una vota o lo invià a dissnâ e a senâ e a dormî conseigo e messê san Francescho asetà l'offerta. Alaora questo Bernardo se misse in cör de vei de la soa santitae: unde ello fè aparegâ um leto in la soa propia camera in la qua o tegnea senper una lanpa aseiza. E san Fransescho non maniffestà la soa santitae, ma como o fo in leto o mostrà de dormî senper ronffando forte, e semegeivementi fava messê Bernardo, or de lì a una pessa, questo Bernardo mostrando de dormî e ronffiando[sic] forte. Unde san Francescho creandosse fermamenti che o dormisse sum l'ora de lo promê söno o se levà de leto e misse in oraciom levando le main e li ögi a cell e con grande devociom e frevô o dixeiva: "O Dee mê, o Dee mê" e non dixeiva atro, e questo dixeiva san Fracescho demandando l'eccelencia de la divina Magestae, la qua o degnava de considerâ a lo mondo che bem o ge veiva e lo poverello Fracescho penssà de dâ remedio in l'anima soa e in quella de li atri e perssò como inluminao de sprito de proffecia penssà in le grande cosse che Dee devea fâ mediante ello e lo so Ordem e cognossando la soa insuficiencia e pocha vertue, ihamava e pregava Dee che per la soa pietë e mizericordia, senssa la qua l'omo per la soa fragillitae non po suplî, che ello lo aiasse a conpî quello che per ello o non poiva fâ. E vegando messê san Bernardo a l'onbra de la lanpa li ati devotissimi
