 |
Questa pagina a no l'è stæta corretta. | |
D'Anassagora e Diogene no taxo
C'han fâeto tutto provegnï da Dio
E ninte da disordine e ravaxo.
Ho visto ch'ëan do mâeximo partio
Empedocle, Eraclito, Zenon,
E Talete filosofo compïo.
E, sensa mai cangiä de direzion,
Ho visto primmezzä tra i moralisti
Seneca, Lin, Orfeo e Ciceron:
Euclide e Tolomeo tra i compútisti,
Ippocrate, Avicenna, Galieno,
Tra i ciû celebri meghi e specialisti.
Ho visto chi d'ogni âerba e ogni veleno
Ne saveiva conosce a qualitâe:
Dioscoride diggo (nintemeno!)
Ho visto ascì distinto tra i scienziâe
Averroè chi fava o gran commento
D'Aristotile, a gloria d'ogni etâe.
Ma chì me s'allunghisce l'argomento,
E pe parlä de tûtti, o cai lettoî,
Me ghe vorriâe ciû comodo e talento.
De sei no gh'arrestemmo ciù che duî;
Me guidda o bon Virgilio, san e vivo,
Donde se sente o crïo di peccatoî;
E vegno in lêugo d'ogni lûxe privo.
