 |
Questa pagina a no l'è stæta corretta. | |
A çent'un per çento l'anno
Per caitæ, e da bon christian
Solo o terzo o l'imprestava
Do valô do pegno ä man.
Cose mai ve serve, o Avari,
D'ammûggiâ tanti dinæ,
De guagnâli con usûja,
Se besêugna che i lasciæ;
Fæne parte fin ch'ei tempo
Con giustizia a chi ne tocca,
Che così viviei ciù megio,
Nè moiei c'un ratto in bocca.
O Spegio da Veitæ.
In quella bella etæ dita de l’öu,
Quando i ommi viveivan tra de lô
In paxe, e con amô,
Senza malizie, e inganni,
E lonten dai desgusti, e da-i malanni,
Abitava ne-o mondo a Dea Veitæ
Corrindo pë çittæ
C’un spëgio grande in man, dove ognun poeiva
Spëgiase comme o voeiva,
E vedde ben l’interno do so coêu,
Ommi, donne, e figgiêu,
