 |
Questa pagina a no l'è stæta corretta. | |
O Cavallo, e o Porco.
Gh’ëa un Porchetto
In t’un villaggio,
Chi no sciortiva
Mai d’in to staggio;
O no pensava
Che a ben mangiâ,
Beive e dormî,
Grugnî e rumâ;
In poco tempo
O vegnì grasso,
Che a stento o poeiva
Fâ qualche passo,
Ma con levâse
Tutte e so coæ
O s’annojava
Ne-a muscitæ;
In quello stato
Tristo, e indolente
O l’invidiava,
E dava mente
A un poveo bestia
De Cavallin,
Chi rebellava
Seìa e mattin
