 |
Questa pagina a no l'è stæta corretta. | |
O ne dè l’incombenza
A un Grillo cantadô,
So amigo, e assæ famoso
Per traghettâ in amô;
Subito un-na Formigua
Pe-a prima o ghe portò
D’inzegno, ma un pö brutta,
Per questo o a ricusò;
O ghe exibì a Farfalla
Con qualche pretension:
Bellissima[1], o rispose,
Ma a và sempre in giandon;
Pe-a terza un-na Sigäa
Superba e regagîa
O ghe mostrò, o no a vosse
Pe-a troppa ciarlaxîa;
O ghe portò per l’ultima
De nêutte un-na Cæabella:
A fæ per mi, o ghe disse,
Ma a-o giorno a non è bella.
O Grillo, stûffo, e picco,
Alloa se licenziò
Dall’Agno incontentabile,
Che freido ö ringraziò;
Ma mentre un giorno o s’ea
Pentîo zà de majâ,
Gh’andò un-na bella Væspa
Sola in ta so tagnâ,
- ↑ pretenscion
Belliscima
