 |
Questa pagina a no l'è stæta corretta. | |
A Rondanin-na, e i Oxelletti.
Un-na votta a Rondanin-na,
Quando o lin se semmenava,
A l’andò da-i Oxelletti,
Per so ben ai conseggiava
De pittâ tutta a semenza,
Ma nisciun ghe dè credenza;
Doppo dexe, o duze giorni,
Nascè o lin, da lô a tornò,
De mangiâlo, o de guastâlo
Nêuvamente ai conseggiò;
Ma nisciun ghe desse mente,
E a ciammon impertinente;
A l’andò torna da lô
Quando o lin o maturava:
Figgi cai, guastælo presto,
Descciantælo, a ghe sbraggiava,
Ve l’ho dito zà træ votte....
Ma ciù un pö ghe dan de botte;
A scappò da quelli alloa,
E dall’ommo a se n’andò,
Ao pregò da so amicizia,
E con questo a pattezzò
De fâ o nïo per primma baze
Sotto i teiti de so caze;
