 |
Questa pagina a no l'è stæta corretta. | |
Ghe rispose o Grillo, caa,
Per caitæ, no t’arraggiâ,
Mi no sò se o mæ cantâ
O l’arrive a-o tò, Sigaa,
Ma pe o gusto e l’armonîa
A l’è a stessa sinfonîa;
Tutto o giorno ti æ cantôu
Senza mai piggiâ respîo,
Che ti m’æ quæxi insordîo,
T’hò sofferto, e n’hò parlôu,
Se aoa canto un pittin mì,
Taxi dunque, e soffri tì.
A-o mondo quanta gente
Pretende impunemente
O Prossimo seccâ
Co-i fæti, e cö parlâ,
E lô no vêuan soffrî
Nisciun nè fâ, nè dî!
O Lô, e o Bæ.
Un Agnello paxe paxe
Con un Lô di ciù affammæ
Ean bevendo a-o stesso fiûmme,
Mezi morti dä gran sæ;
