 |
Questa pagina a no l'è stæta corretta. | |
O piggia un-na fêuggin-na,
O a caccia in to laghetto;
Quella a se gh’arrampin-na,
E comme in t’un gozzetto
Navegando a l’arriva
A salvamento ä riva,
E a vedde lì un Cacciôu
Descàso zà impostôu
Cö scciêuppo chi s’affìa
Per ben piggiâ l’ammìa
A-o Falchetto chi sgêuava,
O l’ea lì ch’o scrucciava,
Presto a gh’addentò un dîo
De pê, ch’o bûttò un crìo
Sbraggiando tanto forte,
Che ô Falchetto ô sentì,
E giandose ô scrovì,
Così o scappò dä morte.
O Roscignêu, o Fanetto, e o Figgiêu.
Un Roscignêu, e un Fanetto,
Ean tutti dui in prexon
In t’un-na bella gaggia
Appeisi da un balcon;
