 |
Questa pagina a no l'è stæta corretta. | |
36
E d’aloa in poi, nö ghe* ciû stæto verso
Che ghe ne vûesse andâ ûnn-a pe drîto,
E voti e tridûi, tûtto tempo perso,
E zazûin e novenn-e all’infinito;
A l’aveiva piggiæ tanto ao reverso
Che quande l’han vosciûo cangiâ de scîto
A se* missa a giâ i œuggi, a cianze, a sûa*
E a l’ha fæto trei bötti in sce l’artâ.
37
Figgiœû cai, chi no ghe* ciû remiscion,
Alôa Calcante ö ne se* misso a dî,
A santa a no vϞ intende de raxon,
A vœû andasene a casa, a vœû partî;
Quande lë a l’aviâ avûo soddisfazion,
Solo alôa se porriâ torna vegnî;
Se dûnque, persuadeive che ghe spûssa
Ö fiato a Troia e che ghe* scrîto: sûssa.
38
E le* pe so vûentæ, che han fabbricoû
Sto Cavallo de legno che le* chi,
Ö le* ûn voto pe-a Santa, e l’han lascioû
Invece dePalladio o che so mi
E l’han fæto tant’âto e spertegoû
Perché nö pûesci remesciâ de lì
E no rende i so calcoli sbagliæ
Con portavelo drento da Çittæ.
