 |
Questa pagina a no l'è stæta corretta. | |
138
Poi ghe* ûnna tôa con ogni ben de Dio
Comme a fosse pe un Re, za preparâ,
Ma ghe lì a Famme che a ghe ronza in gîo
E che a sta attenta a chi ne vœû mangiâ
Pe spunciâlo inderrë, pe daghe ö crîo
Pe obbligâlo a stâ li, solo che a ammiâ
Eccitandoghe a famme e no ghe dando
Mezo, de pueila soddisfâ mangiando.
139
Quelli brutûi che han mâtratoû i so fræ,
Chi l'ha misso in to streppo ai so clienti
E pellegramme che han battûo so poæ
E vittime pe lö e pe i so parenti,
(E de questi ghe ne* ûnna quantitæ,)
I morti in adulterio, i vïolenti
E faccie fäse, i rei de tradimento,
Han chi e so penne e ö so compartimento.
140
Le* inutile che digghe e che descrîve
Con che penn-a ö castigo ognûn se dœûe
Chi arrubatta di sasci insciû pë rive,
Chi s'arriguela conficcoû in te rœûe
Chi in âtri moddi le* costreito a vive
Con tormenti da mûi* senza che ö mœûe
Comme ö poveo Teseo, che ö le* obbligoû
In eterno in sce ûn schœûggio a sta inciôdoû
