 |
Questa pagina a no l'è stæta corretta. | |
Sotto Romma anche a Masinn-a,
Coêu do faero, anima invitta,
A franseize carabinn-a
A troncava i giorni e a vitta,
Mentre in campo cö squadron
O se dava comme un lion.
Questo sangue de to man,
Franza ingrata, là versôu,
O l’è in Çê da un Dio sovran
A to debito notôu,
E vixin forse l’è zà
O momento de pagâ!...
Atri molti là pûgnando
Morti son pe-a libertae
I prodigi rinnovando
Da Romana antighitae
Ma a sti prodi, a questi santi
M’inzenoggio e passo avanti.
I praevi ...
Dividdo in due classi
A primma di Grandi
E l’atra di Bassi,
I Grandi che mangian
A doppia ganascia
E i quarti nell’ozio
Se crêuvan de grascia;
I Bassi che magro
Divoran o pasto
E dûo ciù che i atri
Camallan o basto.
