 |
Questa pagina a no l'è stæta corretta. | |
Procuratore; nato il 29 agosto 1831; morto il 17 febbraio 1907.
Son nasciûa sott’a ûnn-a stella,
Dixan tûtti fortûnâ,
Perc’ho sempre faeto a bella
Da fantinn-a e da majâ;
— Quand’eo figgia, meschinetto,
Mae pappà tiava o carretto,
Aoa poi che son majâ
A-o mae Pippo ö fasso tiâ.
No foss’atro, pe-a demöa
De fâ ûn po da figûrinn-a,
No stae manco in casa ûnn’öa
Se me voessan fä reginn-a;
— Passo allegra in mezo ä gente,
Gïo l’êuggin continûamente,
Porto sempre zù o velletto,
E e mae frecce fan ciù effetto,
(E o mae Pippo o tïa o carretto!)
Co-a perrûcca ben spremmûa,
Co-e fädette alleitûghae,
E co-e gambe abbandonae,
