 |
Questa pagina a no l'è stæta corretta. | |
Ch’a segge proprio un angeo ne-ö mostasso
Questo no serve! senza quell’articolo
Pâ che ghe manche un’oegia, o un euggio, o un brasso.
Se uña figgia a se maja senza un sodo,
Questa a l’è solo un’eccezion da-a regola!
E de questa eccezion mi pù ne godo.
A deutta a quante l’han bon pro a ghe fasse!
Chè mi atro no portavo a-ö mâe Domenego
Che zoventù, salute e boñe brasse;
E tanta abilitâe ne-o mâe mestê,
Che gh’è da dubitâ, (façendo ö calcolo)
Se guadagne ciù ö majo o ciù a moggê.
Pago serva, pixion, oonti menui:
Conto in casa pe un ommo (non esagero),
E conta ö mâe mestê pe sei mia scui.
Che mâveggia che un ommo ö s’innamoe
D’uña figgia per atro miserabile,
Ma ch’a sa l’arte de vesti o scignoe,
E che nell’arte a l’ha acquistou do credito!
A-ö mondo ö nomme ö fruta ciù che ö merito,
E ö fa boñe casañe e un bello reddito!
In te tutto ghe veu disinvoltua:
Bezeugna piggiâ a gente pe-o so debole:
Rende ö çento per çento l’impostua.
E donne mi e conoscio pe esperienza,
